Dünya futbolunun canlı əfsanəsi Ronaldinyo birlikdə oynamaq arzusunda olduğu futbolçunun adını açıqlayıb.

“Qafqazinfo” xəbər verir ki, bu barədə “L'Équipe” məlumat yayıb.

“Həmişə Zinəddin Zidanla qürur duymuşam. Təəssüf ki, onunla heç vaxt eyni komandada oynaya bilmədim. Zidan ideal futbolçu olub. Ona həm də məşqçi kimi böyük hörmətim var”, - braziliyalı ulduz bildirib.

Xatırladaq ki, Zidan futbolçu qismində “Kann”, “Bordo”, “Yuventus” və “Real Madrid”də forma geyinib. O, 2016-2018 və 2019-2021-ci illərdə “Real”da baş məşqçi postunu tutub. Zidan “kral klubu” ilə 2 dəfə La Liqanın, 2 dəfə İspaniya Superkubokunun və 3 dəfə Çempionlar Liqasının qalibi olub.