Türkiyə Superliqasının 11-ci turu İstanbul derbisi ilə yadda qalıb.

“Qafqazinfo” xəbər verir ki, “Beşiktaş” doğma meydanda “Fənərbağça”nı qəbul edib.

Oyuna “sarı-lacivərdlər” zəif başlayıb.

“Beşiktaş” 5-ci dəqiqədə El Bilal Turenin qolu ilə açılan hesabı 22-ci dəqiqədə Emirhan Topçunun dəqiq zərbəsi ilə artırıb.

Lakin “ağ-qaraların” oyunçusu Orkun Kökçü 26-cı dəqiqədə birbaşa qırmızı vərəqə alaraq meydandan qovulub.

Qırmızı karta görə hakimə sərt etiraz edən “Beşiktaş”ın baş məşqçisi Sergen Yalçın da meydandan qovulub.

Bunun ardınca “Fənərbağça” dominant oyun sərgiləyərək 32-ci dəqiqədə İsmayıl Yüksekin qolu ilə fərqi bir xala endirib.

“Sarı-lacivərdlər” 45+3-cü dəqiqədə bərabərlik qolunu vurub.

83-cü dəqiqədə isə Emirhan Topçunun ötürməsini dəf etmək üçün hərəkətə keçən Con Duran komandasını irəli çıxarıb.

Hazırda “sari-lacivərdlər” 25 xalla turnir cədvəlində 2-ci, “qartallar” isə 17 xalla 6-cı yerdədirlər. Turnir cədvəlinə 29 xalla “Qalatasaray” başçılıq edir.