“Arsenal”ın vingeri Leandro Trossard “Beşiktaş” ilə müqavilə imzalayacaq.
“Qafqazinfo” xəbər verir ki, bu barədə insyader Fabritsio Romano sosial şəbəkə hesabında paylaşım edib.
Məlumata əsasən, Türkiyə təmsilçisi bu keçid üçün London klubuna 20 milyon avro ödəyəcək. Belçikalı futbolçunun maaşının 9 milyon olacağı bildirilib. Trossard tibbi müayinədən keçmək və klubla müqavilə imzalamaq üçün bu gün İstanbula gələcək.
Qeyd edək ki, vinger ötən mövsüm bütün turnirlərdə 50 oyun keçirib, 8 qol vurub və 11 məhsuldar ötürmə edib.