"Sabah Samuxda ikinci Ərik Festivalı, iyul ayında Şəmkirdə Tərəvəz Festivalı, Daşkəsəndə Kəndli-Fermer Festivalı, Kürdəmirdə Bostan Festivalı keçiriləcək".

Oxu.Az xəbər verir ki, bunu Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə bölgələrdə start götürən məhsul festivallarına həsr olunmuş mətbuat konfransında Aqrar İnnovasiya Mərkəzinin direktoru Anar Cəfərov deyib.

Direktor əlavə edib ki, avqustda ilk dəfə Xaçmazda Şaftalı Festivalı, Göygöldə ikinci Moruq Festivalı, həmçinin Üzüm-Şərab Festivalı, ilk dəfə olaraq Çəltik-Düyü Festivalı, Neftçalada Balıq Festivalı, Saatlıda Pambıq Festivalı, oktyabrda Balakəndə sayca beşinci Xurma Festivalı, Ağstafada Yerfındığı Festivalı və ilin sonunda Ağdaşda Heyva Festivalı keçiriləcək.

Məhərrəm Əliyev