“Həm “Napoli”ni, həm də baş məşqçi Konteni təbrik edirəm. Öz oyunumuzdan razı qaldım”.

“Qafqazinfo” xəbər verir ki, bunu “Qarabağ”ın baş məşqçisi Qurban Qurbanov Çempionlar Liqasının Liqa mərhələsinin 5-ci turunun “Napoli” - “Qarabağ” matçından (2:0) sonra jurnalistlərin suallarını cavablandırarkən deyib.

“Baxmayaraq ki, məğlub olduq, futbolçularım çəkilmədilər. Sonadək mübarizə apardılar. Cəsarətli oyun göstərdilər. Qarşımızda çox keyfiyyətli bir rəqib, çox keyfiyyətli futbolçuları olan bir komanda vardı. Buna baxmayaraq, sonadək qabiliyyətli oyun göstərdilər, buna görə futbolçularımdan razı qaldım. Belə də davam etməliyik. Bu turnirdə hər oyundan həzz almalıyıq. Daha da böyümək üçün hər dəfə inamlı oyun göstərməliyik”, - o bildirib.