“Morgan Stanley” analitikləri “iPhone 16”nın populyarlığını qiymətləndiriblər.

“Qafqazinfo” xəbər verir ki, bu barədə “Appleinsider” məlumat yayıb.

Şirkət qeyd edib ki, “iPhone 16” alışları son beş ildə ən sürətli çatdırılma müddətinə malikdir. Bu məlumat əsasında analitiklər “iPhone 16” seriyasını son illərin ən az populyar “Apple” telefonları adlandırıblar.

Eyni zamanda, “Morgan Stanley” mütəxəssisləri etiraf edirlər ki, şirkət tələbatı dəqiq qiymətləndirib və satışın başlanmasına hazırlaşmağa nail olub, bu səbəbdən çatdırılma müddətləri azalıb.

“Morgan Stanley” analitikləri həmçinin qeyd ediblər ki, yeni cihazlarda süni intellekt (AI) funksiyalarına dəstək qurğulara olan marağa o qədər də təsir etmir.