İranın xarici işlər naziri Abbas Araqçı Suriyanın paytaxtı Dəməşqə səfər edib.

“Qafqazinfo” xəbər verir ki, bu barədə məlumatı İran XİN-in rəsmi nümayəndəsi İsmail Baqai öz “X” hesabında açıqlayıb.

Bildirilib ki, Araqçı bir neçə suriyalı yüksəkvəzifəli məmurlarla görüşəcək və onlarla iki ölkə arasındakı münasibətləri, eləcə də regionda baş verən hadisələri müzakirə edəcək.

Xatırladaq ki, İranın XİN rəhbəri oktyabrın 4-də Livanın paytaxtı Beyruta səfər etmişdi.