Salyanda baş verən yol-nəqliyyat hadisəsində xəsarət alanlar var.

“Report”un Aran bürosunun məlumatına görə, Qalalı kəndində “Hyundai” markalı avtomobil VAZ-2115-lə toqquşub.

Qəza nəticəsində rayonun Arbatan kənd sakinləri - 2002-ci il təvəllüdlü Kərim Rövşən oğlu Həsənov, 2003-cü il təvəllüdlü Əlisəfa Telman oğlu Məmmədov və 2001-ci il təvəllüdlü Nurlan Abdul oğlu Mənəfov müxtəlif dərəcəli xəsarətlər alıblar.

Yaralılar Salyan Rayon Mərkəzi Xəstəxanasına çatdırılıblar.

Faktla bağlı araşdırma aparılır.