Xəbər verdiyimiz kimi, mayın 27-də saat 22 radələrində Zaqatala rayonunda 1980-ci il təvəllüdlü Əhmədova Natavan Mövləddin qızı odlu silahdan açılan atəşdən qətlə yetirilib və cinayət əməlini törətməkdə şübhəli bilinən N.Əhmədovanın qardaşı, 1989-cu il təvəllüdlü Nurlan Əsgərov saxlanılıb.

“Qafqazinfo” xəbər verir ki, N. Əhmədova rayonun Yuxarı Tala kənd 2 nömrəli məktəbində müəllim kimi işləyib.

Hadisə ilə bağlı həmin məktəbin sosial şəbəkə hesabında paylaşım edilib:

“Təhsil verdiyi məktəbdə həm müəllim kollektivinin, həm də dərs dediyi şagirdlərinin sevgisini, hörmətini qazanmışdır Nətavan müəllimə. O, öz xarakteri, sakit təbiəti, rəftarı, səmimiyyəti ilə neçə müəllimin, şagirdin qəlbini fəth etmişdir. 2 övlad anası Nətavan müəllimə mehriban simasıyla övladları üçün həm ana, həm də dost olmuşdur”.