“Keçmiş məcburi köçkünlərin sosial müdafiəsi üçün dövlət büdcəsindən 311 milyon manat vəsait ayrılması proqnozlaşdırılır”.

“Qafqazinfo” xəbər verir ki, bunu maliyyə naziri Samir Şərifov Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin bu gün keçirilən birgə iclasında 2025-ci ilin dövlət büdcəsinin müzakirələri zamanı deyib.

“Bundan 280 milyon manatın keçmiş məcburi köçkün və ya onlara bərabər tutulan şəxslərin vahid aylıq müavinətlərinə, 31 milyon manatın isə kommunal xidmətlərə ayrılması proqnozlaşdırılır”, - deyə nazir qeyd edib.

Nuranə Daxilqızı