Şəkidə 21 yaşlı gənc dəm qazından boğularaq ölüb.

“Qafqazinfo”nun məlumatına görə, hadisə ötən gecə Şəki şəhəri M. Hüseynzadə küşəsi ev 40 ünvanında baş verib.

Həmin ünvanda yaşayan 2003-cü il təvəllüdlü Süleyman Rəcəb oğlu Mustafayev huşsuz vəziyyətdə evin vanna otağında ailə üzvüləri tərəfindən aşkarlanıb.

Hadisə yerinə həkim birqadası cəlb olunub, ilkin müayinə və baxış zamanı S.Mustafayevin dəm qazından boğularaq həyatını itirdiyi məlum olub.

Meyit müayinə olunmaq ücün Məhkəmə Tibbi Ekspertiza və Potoloji Anatomiya Birliyinin Şəki rayon şöbəsinə təhvil verilib.

Faktla bağlı Şəki rayon prokurorluğunda araşdırma aparılır.

Mübariz Muradov