Məşhur amerikalı müğənni, aktyor və ictimai xadim Harri Belafonte vəfat edib. Onun ölümünə səbəb ürək çatışmazlığı olub. Musiqiçi 96 yaşında Nyu Yorkdakı evində ölüb.
Hindistandan olan mühacir ailəsində anadan olan Belafonte 1950-ci illərdə ABŞ-da irqi ayrı-seçkiliyin hələ də geniş yayıldığı vaxtlarda şou-biznesin zirvəsinə yüksəlib və bu, tarixi hadisəyə çevrilib. Belafontenin “Day-O” (The Banana Boat Song) və “Jamaica Farewell” kimi hitlərinin daxil olduğu “Calypso” albomu 1956-cı ildə buraxıldıqdan qısa müddət sonra “Billboard” çartının lideri olub və 31 həftə orada qalıb. “Calypso” həmçinin, bir milyondan çox nüsxə satılan ilk albom olub.
Belafonte həm də görkəmli ictimai xadim idi. 1960-cı illərdə o, Amerika Birləşmiş Ştatlarında və dünyada “rəngli insanlar” üçün vətəndaş hüquqları hərəkatını dəstəkləyib.
Mənbə: Oxu.Az