Türkiyəli məşhur şoumen Mehmet Ali Erbil aylar sonra anası Yurdagül Ekenin dəfn mərasimində iştirak etməməsinin səbəblərindən danışıb.

“Qafqazinfo” xəbər verir ki, o, uşaqlıq illərindən qalan incikliklərə toxunaraq anasını bağışladığını, lakin dəfn mərasiminə qatılmaq istəmədiyini bildirib.

“Dəfnə gedə bilmədim. İstəmirdim”, – o qeyd edib.

Şoumen uşaqlıqdan bu günə qədər yaşananların onda dərin iz buraxdığını və anası ilə münasibətlərinə təsir etdiyini söyləyib. Bununla belə, o, oğul kimi üzərinə düşən məsuliyyətləri yerinə yetirdiyini vurğulayıb.

Mehmet Ali Erbilin sözlərinə görə, o, anasına maddi dəstək göstərib, həmçinin münasibətlərinin yaxşı olmadığı ögey atasının təqaüd almasını təmin edib.

Anasını bağışlayıb-bağışlamadığı barədə suala cavab verən şoumen, “Əlbəttə ki, anamı bağışladım. Bunun üçün heç bir səbəb yoxdur”, – deyə qeyd edib. O, keçmişdə yaşananların onda peşmanlıq hissi yaratdığını da bildirib.

Qeyd edək ki, Yurdagül Ekenin dəfn mərasimində qızı Öngül Eken qardaşı Mehmet Ali Erbilin səhhətindəki problemlər səbəbindən mərasimdə iştirak edə bilməyəcəyini bildirmişdi. Lakin Mehmet Ali Erbil həmin gün “TikTok”da canlı yayım açaraq yüz minlərlə türk lirəsi dəyərində hədiyyələr toplamışdı