Bu həftə sonu Qlazqo Müasir İncəsənət Qalereyasında tanınmış küçə rəssamı Benksinin “Cut & Run” adlı sərgisi açılacaq.

Sərgi üçün rəssamın özündən rəsmi icazə alınıb.

Sərgi onun 1988-ci ildən bu günə kimi hazırladığı əl işlərini əhatə edir. Burada orijinal artefaktlar, trafaretlər və Benksinin digər əsərləri təqdim olunacaq.

Bundan əlavə, sərgidə Benksinin “Şarlı Qız” adlı tablosunu necə məhv etdiyini izah edən ətraflı model də yer alıb. Əsər 2018-ci ildə “Sotheby's” tərəfindən 1 milyon funt-sterlinqə hərraca çıxarıldıqdan sonra çərçivəyə yerləşdirilmiş parçalayıcı tərəfindən kəsilib. Bir neçə il sonra qismən parçalanmış əsər 18,5 milyon funt sterlinqdən baha qiymətə satılıb.

Mənbə: Oxu.Az