“Lazım gələrsə, Hörmüz boğazından keçən tankerləri müşayiət edəcəyik”.

“Qafqazinfo” xəbər verir ki, bunu ABŞ Prezidenti Donald Tramp sosial media hesabında yazıb.

O, ABŞ Hərbi Dəniz Qüvvələrinə Körfəzdən keçən bütün dəniz ticarətinin, xüsusən də enerji daşıyan tankerlərin təhlükəsizliyini təmin etmək tapşırığını verib.

Trampın sözlərinə görə, lazım gələrsə, ABŞ Hərbi Dəniz Qüvvələri Hörmüz boğazından keçən tankerləri müşayiət etməyə başlayacaq.

ABŞ Prezidenti ABŞ Beynəlxalq İnkişaf Maliyyə Korporasiyasına (DFC) bütün gəmiçilik şirkətləri üçün körfəzdən keçən dəniz ticarətinə münasib qiymətə siyasi risk sığortası və zəmanətlərin təmin olunmasını tapşırdığını da qeyd edib.

Tramp vurğulayıb ki, ABŞ nə olursa-olsun, dünyaya sərbəst enerji axınını təmin edəcək və iqtisadi, həmçinin hərbi gücünün dünyada ən böyük olduğunu göstərmək üçün əlavə addımlar atacaq.