İllərin dostu, AJB-nin üzvü, "Ulu səs" qəzeti və "UlusesTV.az" xəbər portalının baş redaktoru Şamil Məmmədəli oğlu Cəfərovu dünyaya gəldiyi gün (10 sentyabr), ömür təqviminin 60 illik yubileyi münasibətilə könül ziyarəti məqamında ithaf çələngimlə qutlayır, ona həyat və fəaliyyətində uğurlar diləyirəm.

Ömür təqviminin əzəl günündə
Gur yansın adına qoy şamlar, Şamil!
Mübarək, müjdəli özəl günündə
Şəninə şeirlə alqışlar Şamil!

Yaddaş aynandakı kədər, sevincə
Boyanır, boylanır xəyal-düşüncə...
Masallı elində altmış il öncə
Gəlişin ulduztək sayrışır, Şamil!..

Dürüstlük təməldir halal ocağa,
Məramın, məqamın bənzər çırağa.
Şəcərən bağlıdır şanlı sorağa,
Adına əməlin yaraşır, Şamil!


✍️ Tapdıq ƏLİBƏYLİ