“Azərbaycanda 2026-cı ildən müəllimlərin əməkhaqqı 1000 manatdan başlayacaq”.

APA xəbər verir ki, bunu Milli Məclisin Elm və təhsil komitəsinin bu gün keçirilən iclasında komitə sədri Bəxtiyar Əliyev deyib.

Komitə sədri bildirib ki, ümumtəhsil və məktəbəqədər təhsil müəssisələrində sertifikasiya stimullaşdırıcı tədbirdir:

“Kim daha çox bal toplayırsa, onlar əməkhaqqını əlavələrlə alırlar. Bu da müəllimlərimizin minimum əməkhaqqının 2026-cı ildən təqribən 1000 manatdan yuxarı başlayacağına dəlalət edir. Bu gün 1500, 2500 və 3000 manat maaş alan təhsilverənlərimiz var. Burada söhbət ümumtəhsil müəssisələrindən gedir. Eyni məsələ məktəbəqədər, məktəbdənkənar və ali təhsil müəssisələrinə də şamil edilir”.