ATATV. AZ xəbər verir ki, dünən gecə saat 23:36-da Dövlət Sərhəd Qoşunlarının "Horadiz " sərhəd dəstəsinin xidməti ərazisində külli miqdarda narkotik vasitəsinin qaçalmaqçılıq yolu ilə İran İslam Respublikasının ölkə ərazisinə keçirilməsinin qarşısı alınıb. Keçirilmiş axtarış nəticəsində Araz çayının sahilində qamışlıq ərazidə bir ədəd rezin qayıq aşkarlanıb. Qayığa baxış zamanı ümumi 102 kiloqram narkotik vasitə (89 kq 940 qr marixuana, 4 kq 660 qram heroin və 7 kq 400 qr metamfetamin) və 8010 ədəd narkotik tərkibli güclü təsiredici Metadon M40 həbsləri aşkar olunaraq götürülüb. Fakt üzrə əməliyyat - istintaq tədbirləri davam etdirilir.