Azərbaycan heç kimin sözü ilə oturub-durmayacaq. Müstəqilliyini qoruyacaq və xalqla iqtidar arasında olan möhkəm birlik daha da qüvvətlənəcək.
"Bu həmin Avropa Parlamentidir ki, 1988-ci ildə biz Qərbi azərbaycanlılar Ermənistan tərəfindən öz dədə-baba yurdlarımızdan deportasiya edilərkən nəinki bunu pisləmədi, əksinə keçmiş “Dağlıq Qarabağ Muxtar Vilayəti”nin Ermənistana birləşdirilməsinə çağırdı. Bugünkü qətnamədə hərbi canilərə, Xocalı, Qaradağlı, Ağdaban qatillərinə simpatiya ifadə etməsi ilə Avropa Parlamenti zaman dəyişsə də, xislətinin dəyişmədiyini göstərmiş oldu"
Avropa Parlamentinin dekabrın 19-da keçirilən plenar iclası ölkəmizə qarşı növbəti qətnamənin qəbulu ilə yadda qaldı:
"Qətnamədə adəti üzrə saxta məlumatlara və rəqəmlərə istinad edilir, reallıqlar təhrif edilir, qanunların pozulmasına gətirib çıxarmış cinayət əməllərinin təhqiqatına siyasi don geyindirilməyə cəhd göstərilir.
Azərbaycanda bütün əsas hüquq və azadlıqların tam şəkildə təmin edildiyi, o cümlədən qanunvericiliyin tələblərinə riayət edilməsinin zərurət olduğu bir gerçəklikdir. Belə olan halda, Avropa Parlamentinin ölkəmizin daxili işlərinə müdaxilə edən bu sənədi başqa məqsədləri ön plana çıxarır.

Bu qətnamə Azərbaycana qarşı xeyli müddətdir davam edən iftira və böhtan kampaniyasının tərkib hissəsi olduğu şübhə doğurmur. Xüsusən, süni şəkildə yaradılmış bütün əngəlləri dəf edərək, iqlim dəyişmələri ilə mübarizədə dünya ictimaiyyətinin səylərini birləşdirməyə nail olan ölkəmizin əldə etdiyi uğurlar fonunda bu kampaniyanın müxtəlif "elementlər”lə zənginləşdirilərək daha da genişləndiriləcəyi gözlənilən idi.
Bu mənada, Azərbaycanofob, türkofob və islamofob qüvvələrin cəmləşdiyi Avropa Parlamenti də bu kampaniyaya mütləq öz "töhfəsini” verməli idi. Qəbul edilmiş qətnamənin nə dərəcədə qərəzli olduğunu anlamaq üçün təkcə belə bir faktı qeyd etmək lazımdır ki, ölkəmizin ərazisində insanlıq əleyhinə cinayət törətməkdə təqsirləndirilən keçmiş separatçı rejimin nümayəndələri və terrorçular bu sənəddə "erməni hərbi əsirlər” kimi təqdim olunur.
Parlament Avropa İttifaqını (Aİ) qlobal insan haqları sanksiya rejimi çərçivəsində ciddi insan hüquqları pozuntularına görə məsuliyyət daşıyan Azərbaycan rəsmilərinə qarşı sanksiyalar tətbiq etməyə çağırır. Sənəddə bu xüsusda, prezidentin köməkçisi Fuad Ələsgərov, daxili işlər naziri Vilayət Eyvazov və Dövlət Təhlükəsizlik Xidmətinin rəisi Əli Nağıyevin adları çəkilir. Lakin bu yanlış sankiyadır. Azərbaycanın Xüsusi xidmət orqanları o cümlədən təhlükəsizlik orqanları yalnızca Azərbaycan vətəndaşları üçün deyil. Ölkəmizdə səfərdə olan xarici vətəndaşlarında təhlükəsizliyini bütün şəkildə təmin edir. Bir baxıma tələb edilən bu sanksiya qeyri qanunidir. Avropa parlamentində oturan ermənipərəst lobbi Azərbaycana keçmişdə olduğu kimi bugündə qarşısını almaq üçün əlindən gələni edir. Bu haqsız sanksiyalardan biridə məhz 19- dekabr da tələb olunan sanksiyadır. Azərbaycan dövlət rəsmilərinə o cümlədən xüsusi dövlət təhlükəsizlik xidməti orqanları rəhbərləri üçün qoyulan sanksiya həmişəki kimi bir məna kəsb etmir. Ölkəmizi bölməyə çalışan, hər sahədə hücuma keçən ermənipərəst lobbi anlamalıdır ki, nə qədər sanskiya tətbiq etmək istəsələrdə Azərbaycan hər arenada öz sözünü istənilən arenasa deyəcəkdir. DTX,DİN dövlət qurumlarının azərbaycan və ölkədən kənar uğurları illərdir bəzilərini narahat edir. Və biz mın buradan demək istəyirəm ki,Bizim güçlü dövlətimiz və güçlü rəhbərlərimiz var.
“Azərbaycan haqda qərəzli qətnamə Avropa Parlamentinin imicinə böyük zərbə vurdu. Milli Məclisə seçkilər ərəfəsində Avropa Parlamenti üzdəniraq qətnamə qəbul edərək üzv ölkələrə çağırışlar edir. Bu, bütün beynəlxalq normalara ziddir. Seçkilər başlanmamış bu seçkilərin legitimliyini tanımamaq beynəlxalq qaydalara ziddir. Onların əsas məqsədi Ermənistan-Azərbaycan, Dağlıq Qarabağ münaqişəsinin həllində ölkəmizə zərbə vurmaqdır. Ancaq Azərbaycan kiminsə diktəsi ilə fəaliyyət göstərməyəcək. Ulu öndər Heydər Əliyevin müəyyənləşdirdiyi strategiyanı uğurla davam etdirən Prezident İlham Əliyevin həyata keçirdiyi siyasət xalq tərəfindən dəstəklənir. Xalqla iqtidar arasında sarsılmaz birlik var. Bu birlik İlham Əliyev cənablarının ətrafında bir yumruq kimi birləşib hədəfləri dəf etməyə qadirdir”.
Avropa Parlamenti Azərbaycanı müzakirəyə çıxarmaq əvəzinə, Avropanın üzləşdiyi problemlərə diqqət yetirsə yaxşı olar. Bu gün Avropadakı islamofobiya, dini dözümsüzluk, müəyyən dairələrin maraqlarının və ambisiyaların həyata keçirilməsi hər kəsə bəllidir. Avropa Parlamentinin üzvləri siyasi korrupsiyaya qurşanıb ermənilərə lobbiçilik edərək ikili standartlardan çıxış edirlər. Belə olan halda, onlar kimdənsə nəyisə tələb edə bilməz.
“Əgər həqiqətən Avropa Parlamentini insan hüquqları narahat edirsə, niyə 30 il ərzində Azərbaycan torpaqlarının Ermənistan tərəfindən işğalına səssiz qaldılar, 1 milyon qaçqın, köçkünümüzün vəziyyətindən narahat olmadılar? Bütün bunlar onu göstərir ki, onları beynəlxalq hüquq, insan haqları və ədalət maraqlandırmır. Bu kimi təşkilatlar yalnız və yalnız müəyyən dairələrin tapşırıqlarını yerinə yetirərək belə bir mövqedə dayanır, belə qətnamələr qəbul edilir. Avropa Parlamentinin Azərbaycana qarşı sanksiyalar tətbiq etmək çağırışı da əhəmiyyətsizdir. Çünki ölkəmiz Avropa İttifaqı ilə fəal əməkdaşlıq edir. Bu təşkilatın 9 üzv ölkəsi ilə strateji tərəfdaşlıq haqqında sənəd imzalanıb. Bütün bunların fonunda Avropa Parlamentinin Azərbaycana qarşı qəbul etdiyi qətnamə kağız parçasından başqa bir şey deyil” . Bizlər xüsusi təhlükəsizlik orqanları rəhbərlərini sonunadək dəstəkləyirik. Onlara qarşı olan bu sanksiya tələbi sadəcə kağızdan ibarətdir.


Vətəndaş hüquqları beynəlxalq təşəbbüs
Azərbaycan təmsilçisi, hüquq eksperti
Beynəlxalq Hüquq Eksperti İsmayıl Zalov: Avropanın ürəyində birdaha sübut etdi ki Azərbaycan öz müddəalarında sonunadək Haqlıdır.