Azərbaycanın zəngin musiqi irsi xalqımızın mənəvi sərvətləri arasında xüsusi bir yer tutur. Bu irsin qorunması, öyrədilməsi və gələcək nəsillərə ötürülməsi isə peşəkar pedaqoqların, musiqi fədailərinin çiyinləri üzərindədir. Belə fədakar insanlardan biri də Yevlax rayonunun Xaldan qəsəbəsində fəaliyyət göstərən uşaq musiqi məktəbinin direktoru, dəyərli pedaqoq və idarəçi Rəfail Məmmədovdur. Onun ömür yolu, rəhbər kimi səriştəsi, musiqiyə olan bağlılığı və tələbələrinə göstərdiyi diqqət onu həm peşəkar musiqi xadimi, həm də sadiq vətəndaş kimi tanıdır.
Rəfail müəllimin ömür yolu musiqi ilə sıx bağlıdır. O, hələ gənclik illərindən sənətin sehri ilə yaşayaraq, musiqinin tərbiyəedici gücünü dərindən dərk etmişdir. Çünki musiqi sadəcə bir incəsənət sahəsi deyil, həm də insanı saflaşdıran, onun mənəviyyatını zənginləşdirən böyük bir məktəbdir. Bu məktəbin yolçusu olan Rəfail Məmmədov öz biliyini, təcrübəsini və həyatını gələcək nəslin yetişməsinə sərf edir.
Yevlax rayonunun mədəni həyatında Xaldan uşaq musiqi məktəbi özünəməxsus yer tutur. Bu məktəbin fəaliyyətinin uğurları isə ilk növbədə rəhbərin səriştəsi ilə ölçülür. Rəfail müəllim məktəbin pedaqoji heyətini peşəkar musiqi müəllimlərindən formalaşdıraraq, onların işinə hər zaman qayğı ilə yanaşır. Məktəbdə tədrisin keyfiyyətinə, uşaqların musiqiyə maraq və sevgisinə xüsusi diqqət yetirilməsi də məhz onun rəhbərlik üslubunun göstəricisidir.
Rəfail Məmmədov idarəçilikdə peşəkarlığı, məsuliyyəti və obyektivliyi ilə seçilir. Onun rəhbərliyi altında Xaldan uşaq musiqi məktəbi rayonun ən nümunəvi mədəniyyət ocaqlarından birinə çevrilib. Məktəbin uğurlu fəaliyyəti, şagirdlərin müxtəlif müsabiqə və festivallarda qazandıqları nailiyyətlər Rəfail müəllimin idarəçilik bacarığının bariz nümunəsidir.
Bir rəhbər üçün ən vacib keyfiyyətlərdən biri həmkarların və kollektivin etimadını qazanmaqdır. Rəfail müəllim də məhz bu etimadı yüksək peşəkarlığı, ədalətliliyi və səmimiyyəti ilə qazanıb. O, hər bir müəllimin potensialını düzgün qiymətləndirir, onların iş şəraitini yaxşılaşdırmaq üçün daim çalışır. Bununla yanaşı, məktəbin maddi-texniki bazasının möhkəmləndirilməsinə xüsusi diqqət yetirir.
Musiqi insan həyatında böyük mənəvi qüvvədir. Rəfail müəllim üçün isə musiqi sadəcə bir peşə deyil, həyat amalına çevrilmiş müqəddəs bir yoludur. O, sənəti qoruyub saxlamaq, musiqi ənənələrimizi gələcək nəsillərə ötürmək üçün böyük fədakarlıq göstərir.
Məktəbin şagirdləri onun qayğısı və rəhbərliyi ilə müxtəlif bölgələrdə keçirilən müsabiqələrdə, konsert proqramlarında iştirak edir, fəxri diplomlarla təltif olunurlar. Bu nailiyyətlər bir daha sübut edir ki, Rəfail Məmmədov sadəcə bir direktor deyil, həm də musiqiyə xidmət edən böyük bir fədakardır.
Təəssüf ki, bəzi hallarda səriştəli, nüfuzlu, öz işində fərqlənən şəxslər böhtan və qarayaxma kampaniyalarının hədəfinə çevrilirlər. Rəfail müəllim haqqında da bəzən əsassız iddialar, həqiqəti əks etdirməyən yazılar dərc olunmağa çalışılır. Lakin hamıya məlumdur ki, böhtan böyük insanların yoluna atılan kölgədən başqa bir şey deyil.
Rəfail Məmmədova şər-böhtan yaraşmır. Onun uzun illərdir göstərdiyi fəaliyyət, kollektiv arasında qazandığı nüfuz və şagirdlərin uğurları bu cür əsassız yazıların tamamilə puç olduğunu sübut edir. Əsl rəhbər öz işində qazandığı nailiyyətlərlə qiymətləndirilir, əsassız ittihamlarla yox.
Musiqi məktəbinin əsas missiyası uşaqlarda musiqiyə sevgi yaratmaqla yanaşı, onların vətənpərvərlik, milli dəyərlərə hörmət və mənəvi zənginlik kimi keyfiyyətlərini formalaşdırmaqdır. Rəfail müəllim bu missiyanı yüksək səviyyədə həyata keçirir. O, şagirdlərin təkcə peşəkar musiqiçi kimi yetişməsinə deyil, həm də vətənə bağlı, intizamlı və mədəni vətəndaş kimi formalaşmasına çalışır.
Məktəbdə keçirilən tədbirlər, konsertlər və musiqi layihələri uşaqların dünyagörüşünü zənginləşdirir, onların istedadının üzə çıxmasına şərait yaradır. Rəfail müəllimin təşəbbüsü ilə məktəbdə tez-tez milli musiqimizin klassikləri – Üzeyir Hacıbəyli, Fikrət Əmirov, Qara Qarayev və digərlərinin əsərləri uşaqlara öyrədilir, onların milli kimliyə bağlılığı möhkəmləndirilir.
Rəfail Məmmədov fəaliyyətində hər zaman dövlətin mədəniyyət siyasətinə uyğun şəkildə hərəkət edir. Onun rəhbərliyi ilə məktəbdə dövlət tədbirləri, bayramlar və tarixi günlər xüsusi qeyd olunur. Bu, həm də gənc nəslin milli dövlətçilik ideyalarına sadiq böyüməsinə xidmət edir.
Musiqi məktəbində şəhidlərimizin xatirəsinə həsr olunmuş tədbirlər, Zəfər Gününə və digər əlamətdar günlərə aid konsertlər təşkil olunur. Bu da göstərir ki, Rəfail müəllim yalnız musiqi tədrisi ilə kifayətlənmir, həm də milli şüurun inkişafına böyük önəm verir.
Rəfail müəllimin fəaliyyəti həm kollektivin, həm də valideynlərin dərin rəğbətini qazanıb. Çünki o, hər kəsin qayğısına qalan, hər bir problemin həllinə diqqətlə yanaşan rəhbərdir. Müəllimlər onunla işləməkdən qürur duyur, valideynlər isə övladlarını belə bir məktəbə göndərməkdən məmnundurlar.
Onun səmimiyyəti, insanlarla ünsiyyətdə sadəliyi, eyni zamanda prinsipiallığı hər kəs tərəfindən yüksək qiymətləndirilir.
Bütün bunları nəzərə alaraq demək olar ki, Rəfail Məmmədov Azərbaycan musiqi mədəniyyətinə, gənc nəslin təlim-tərbiyəsinə və dövlətçiliyimizin inkişafına xidmət edən səriştəli rəhbər, əsl musiqi fədaisidir. O, öz fəaliyyəti ilə sübut edir ki, musiqi təkcə sənət deyil, həm də bir həyat fəlsəfəsidir.
Şər-böhtanların təsiri isə onun şəxsiyyətinə və nüfuzuna heç bir xələl gətirə bilməz. Çünki həqiqət hər zaman öz sözünü deyir və əsl sənət fədailəri tarixdə yalnız işıqlı iz qoyurlar.
Rəfail Məmmədovun rəhbərliyi ilə Xaldan uşaq musiqi məktəbi bundan sonra da yeni uğurlar qazanacaq, musiqi sevən uşaqların arzularını reallığa çevirəcək.