Ömür təqviminizin 55-ci ili gözünüzə - könlünüzə köçən gözəlliklər, uğurlu özəlliklərlə qutlu olsun, dəyərli Mərdan bəy! Sizin bu mərhələyə qədər olan həyat yolunuz zəhmət, dürüstlük və xeyirxahlıqla yoğrulmuş bir örnəkdir.
Yardımlı Xeyriyyə Cəmiyyətinin sədri kimi göstərdiyiniz fədakarlıq, insanlara sevgi ilə yanaşmanız və bölgənin inkişafı üçün sərf etdiyiniz səylər xüsusi olaraq təqdirəlayiqdir. Hər bir təşəbbüsünüz cəmiyyətimiz üçün dəyər, insanlar üçün ümid qaynağıdır.
Bu əlamətdar yaşınız Sizə sağlamlıq, ruzi-bərəkət, daha böyük nailiyyətlər və qəlbinizdən keçən bütün gözəl niyyətlərin gerçəkləşməsini gətirsin.

Qayən - işıq xisləti,
Sözün əməl - ziyadı
Sevdin xaliq, xilqəti,
Bu ki elə əyandı...

Çeşmə - bulaq qaynağı,
Suyun çəkib əzələ.
Əsil-nəsil sorağın
Düşüb bax dildən-dilə...

Ömür - çiçək arzular,
Olsun barlı-bəhrəli .
Tanrı sənə özü yar,
Yaşdan-yaşa irəli!..
✍️ Tapdıq ƏLİBƏYLİ