Venesuela Prezidenti Nikolas Maduro Nyu-York şəhərində Bruklində yerləşən Metropoliten istintaq təcridxanasına gətirilib.

Oxu.Az bildirir ki, bu barədə CNN telekanalı Nyu-York polisindəki mənbələrinə istinadən xəbər verir.

Binanın qarşısında Venesuela bayraqları ilə insanlar toplanıb. Ağ Evin operativ reaksiya üzrə rəsmi hesabı mavi xalça sərilmiş, üzərində DEA (ABŞ Narkotiklərlə Mübarizə İdarəsi - Drug Enforcement Administration, DEA) yazısı olan dəhlizdə qara kapüşonlu köynəkdə gedən Maduronun videosunu paylaşıb. Videoda Maduro "Yeni iliniz mübarək" deyir.

Maduro narkotiklərin və silahların saxlanılması ilə bağlı ittihamlar üzrə Manhetten federal məhkəməsinin hakimi qarşısına çıxarılacaq.