Cəmiyyətin inkişaf səviyyəsi onun yollarının vəziyyəti ilə ölçülür. Çünki yollar yalnız bir məntəqədən digərinə aparan asfalt zolaqları deyil, iqtisadiyyatın, sosial həyatın və ümumi tərəqqinin əsas dayaqlarından biridir. Bu sahədə məsuliyyətlə çalışan, öz peşəsinə sədaqət nümayiş etdirən rəhbərlər isə hər zaman hörmətə layiqdir. 43 saylı Yol İstismar İdarəsi MMC-nin rəisi İlham Əzimov məhz belə rəhbərlərdən biridir.

İlham Əzimov uzun illərdir ki, yol təsərrüfatı sahəsində peşəkar fəaliyyəti ilə seçilir. Onun rəhbərlik etdiyi müəssisə – 43 saylı Yol İstismar İdarəsi MMC – fəaliyyət göstərdiyi ərazilərdə yolların saxlanılması, təmiri və təhlükəsizliyinin təmin olunması istiqamətində mühüm işlər həyata keçirir. Bu işlərin arxasında isə yüksək təşkilatçılıq qabiliyyəti, operativ qərarvermə bacarığı və böyük zəhmət dayanır.

Yol istismarı sahəsi sadə görünə bilər, lakin əslində son dərəcə məsuliyyətli və çətin bir fəaliyyət sahəsidir. Hər bir yolun mövsümi şəraitə uyğun qorunması, qış aylarında buzlanmaya qarşı tədbirlərin görülməsi, yaz və yay mövsümündə əsaslı və cari təmir işlərinin vaxtında aparılması böyük koordinasiya tələb edir. İlham Əzimov bu çətin və məsuliyyətli sahədə özünü bacarıqlı rəhbər kimi təsdiqləmişdir.

Onun rəhbərliyi dövründə müəssisədə intizam və işə məsuliyyət daha da güclənmiş, texniki park yenilənmiş, işçilərin əmək şəraiti yaxşılaşdırılmışdır. Bu isə bir daha göstərir ki, İlham müəllim yalnız yolların keyfiyyətinə deyil, həm də kollektivin sosial rifahına xüsusi diqqət yetirir. Çünki güclü kollektiv olmadan keyfiyyətli nəticə əldə etmək mümkün deyil.

İlham Əzimovun əsas xüsusiyyətlərindən biri də işə sistemli yanaşmasıdır. O, hər bir layihəyə strateji baxışla yanaşır, qısamüddətli deyil, uzunmüddətli nəticələri hədəfləyir. Onun rəhbərliyi ilə həyata keçirilən təmir və bərpa işləri bölgənin nəqliyyat infrastrukturunun dayanıqlı inkişafına mühüm töhfə verir. Təmir olunan yollar sakinlərin gündəlik həyatını asanlaşdırır, kənd və şəhərlər arasında əlaqəni möhkəmləndirir, iqtisadi aktivliyi artırır.

Rəhbər kimi İlham Əzimov ədalətli və prinsipial mövqeyi ilə seçilir. O, işçilərlə daim açıq dialoq qurur, onların təklif və fikirlərini dinləyir, problemlərin operativ həlli üçün çevik addımlar atır. Bu xüsusiyyət onu kollektiv arasında nüfuzlu rəhbərə çevirib. İşçilər onun tələbkarlığını anlayışla qarşılayır, çünki bu tələbkarlığın arxasında ümumi məqsəd – keyfiyyətli və təhlükəsiz yol infrastrukturu dayanır.

43 saylı Yol İstismar İdarəsinin fəaliyyəti yalnız texniki işlərlə məhdudlaşmır. Müəssisə həm də sosial məsuliyyət prinsipini rəhbər tutur. İlham Əzimovun təşəbbüsü ilə bir sıra sosial layihələrə dəstək göstərilir, əlamətdar günlərdə şəhid ailələrinə və qazilərə diqqət və qayğı nümayiş etdirilir. Bu isə onun yalnız peşəkar deyil, həm də vətənpərvər və humanist bir insan olduğunu göstərir.

Müasir dövrdə yol infrastrukturunun inkişafı ölkənin ümumi inkişaf strategiyasının mühüm tərkib hissəsidir. Dövlət səviyyəsində həyata keçirilən yol tikintisi və yenidənqurma layihələri regionların sosial-iqtisadi inkişafına təkan verir. Bu siyasətin yerli səviyyədə uğurla icrası isə məhz belə peşəkar rəhbərlərin fəaliyyəti sayəsində mümkün olur. İlham Əzimov bu məsuliyyətli missiyanı ləyaqətlə yerinə yetirən rəhbərlər sırasındadır.

Onun fəaliyyəti göstərir ki, rəhbərlik yalnız vəzifə deyil, həm də böyük məsuliyyətdir. Hər bir görülən işdə keyfiyyətə önəm vermək, təhlükəsizlik standartlarını qorumaq, dövlət əmlakına və ictimai maraqlara həssas yanaşmaq əsl rəhbərliyin əsas göstəricilərindəndir. İlham müəllim bu prinsipləri fəaliyyətinin əsas qayəsi kimi qəbul etmişdir.

Yol çəkənlər əslində gələcəyə yol açırlar. Onların zəhməti sayəsində insanlar rahat və təhlükəsiz şəkildə mənzil başına çatır, iqtisadi əlaqələr genişlənir, regionlar inkişaf edir. Bu baxımdan 43 saylı Yol İstismar İdarəsinin gördüyü işlər yalnız bu gün üçün deyil, sabah üçün də mühüm əhəmiyyət daşıyır.

İlham Əzimovun həyat və fəaliyyət yolu zəhmətin, peşəkarlığın və sədaqətin nümunəsidir. O, üzərinə düşən vəzifəni vicdanla yerinə yetirir, kollektivini daim inkişaf və yeniliyə doğru istiqamətləndirir. Onun rəhbərliyi altında həyata keçirilən işlər bölgənin yol infrastrukturunun müasir tələblərə uyğunlaşdırılmasına xidmət edir.

Belə rəhbərlərin fəaliyyəti cəmiyyət üçün örnəkdir. Çünki onların zəhməti görünməsə də, nəticəsi hər gün minlərlə insanın rahat və təhlükəsiz hərəkətində özünü göstərir. İlham Əzimov öz əməyi ilə sübut edir ki, vəzifəyə sədaqət, işə sevgi və məsuliyyət hissi birləşdikdə böyük uğurlar əldə etmək mümkündür.

Bu gün 43 saylı Yol İstismar İdarəsi MMC-nin uğurlu fəaliyyəti İlham Əzimovun peşəkar rəhbərliyinin bariz nümunəsidir. Onun gördüyü işlər, atdığı addımlar və göstərdiyi təşəbbüslər yol təsərrüfatı sahəsində inkişafın davamlılığını təmin edir və gələcək nəsillər üçün möhkəm infrastruktur mirası formalaşdırır.

Şamil Cəfər
AYB və AJB-nin üzvü