30.09.2026.
İnsan Hüquqları Müdafiəsi – “Defending Human Rights” şirkətinin rəhbəri, beynəlxalq hüquq müdafiəçisi İsmayıl Zalov ADEX tədbirində iştirak edib.
Bakı şəhərində keçirilən ADEX tədbiri müdafiə sənayesi, təhlükəsizlik, texnologiya və beynəlxalq əməkdaşlıq sahəsində müxtəlif ölkələrdən olan nümayəndələri bir araya gətirən mühüm beynəlxalq platformalardan biri kimi diqqət çəkib.
Tədbirdə iştirak edən İsmayıl Zalov sərginin təşkilati səviyyəsini, beynəlxalq iştirakçıların geniş təmsilçiliyini və Azərbaycanın belə mötəbər tədbirlərə ev sahibliyi etməsini yüksək qiymətləndirib.
Beynəlxalq hüquq müdafiəçisi İsmayıl Zalov tədbir çərçivəsində bildirib ki, beynəlxalq səviyyəli tədbirlərin keçirilməsi Azərbaycanın müxtəlif dövlətlər və beynəlxalq qurumlarla əməkdaşlığının inkişafı, qarşılıqlı dialoqun genişləndirilməsi və yeni əlaqələrin qurulması baxımından mühüm əhəmiyyət daşıyır.
O, ADEX tədbirinin təşkilatçılarına və iştirakçılarına xoş sözlərini çatdıraraq, tədbirin gələcək illərdə də uğurla davam etdirilməsini və beynəlxalq əməkdaşlığa töhfə verməsini arzulayıb.
İsmayıl Zalov qeyd edib ki, hüquq, təhlükəsizlik, beynəlxalq əməkdaşlıq və insan hüquqları kimi istiqamətlərdə dialoqun inkişaf etdirilməsi müasir dövrdə xüsusi əhəmiyyət kəsb edir.
ADEX çərçivəsində keçirilən görüş və təmasların Azərbaycanın beynəlxalq əlaqələrinin daha da genişlənməsinə xidmət etməsi arzusu ifadə olunub.
ARHD.MEDİA