“Barselona”nın keçmiş hücumçusu Neymar 2017-ci ildə klubu tərk etməzdən əvvəl Messinin ona dediklərindən bəhs edib.

“Qafqazinfo” bu barədə xarici mətbuata istinadən xəbər verir.

“Barselona”da son həftəm idi. Messi məndən soruşdu: Niyə gedirsən? Dünyanın ən yaxşısı olmaq istəyirsən? Mən səni dünyanın ən yaxşısı edərəm”, - Neymar deyib.

Xatırladaq ki, Neymar 2013-2017-ci illərdə “Barselona”da Messi ilə birgə çıxış edib. Bu müddət ərzində o, bütün turnirlərdə 186 matçda iştirak edib, 105 qol vurub, 76 məhsuldar ötürmə edib. Braziliyalı 2017-ci ildə 222 milyon avroya PSJ-yə, 2023-cü ildə isə “Əl-Hilal” klubuna transfer olub.

Messi isə 2005-ci ildən formasını geyindiyi Kataloniya klubunu 2021-ci ilin yayında tərk edərək PSJ-yə keçib. Hazırda “İnter Mayami”də çıxış edir.