“2026-cı ilin Dünya Çempionatı karyeramda sonuncu olacaq”.

“Qafqazinfo” xarici KİV-ə istinadən xəbər verir ki, bunu Portuqaliya millisinin və “Əl-Nəsr”in ulduz futbolçusu Kriştianu Ronaldo deyib.

O, 2026-cı il dünya çempionatının karyerasındakı son mundial olacağını açıqlayıb.

Beşqat “Qızıl top” mükafatı sahibi Ronaldo bildirib ki, futbolu tamamilə tərk etməsinə çox az qalıb:

“Gəlin səmimi olaq, tezliklə deyəndə bir və ya iki il daha oynayacağımı nəzərdə tuturam”.

Ronaldo milli komanda səviyyəsində 143 qolla kişi futbolçular arasında ən çox qol vuran oyunçu sayılır. O, klub və milli komanda karyerası ərzində ümumilikdə 953 qol vurub və 1000 qol hədəfinə bir addım daha yaxınlaşır.

Qeyd edək ki, Ronaldo Portuqaliya millisi ilə 2016-cı ildə Avropa çempionu olub, lakin dünya çempionluğu hələ də onun titullar kolleksiyasında yoxdur.