Niderlanddan olan yüngül atlet Madiya Qafur narkotik qaçaqmalçılığına görə məhkəmə qərarı ilə 8,5 il müddətinə azadlıqdan məhrum edilib. ulusestv.az “Qafqazinfo”ya istinadən məlumatına görə, bu barədə “BBC” xəbər verib.
İdmançı narkotikin ona kim tərəfindən verildiyini açıqlamayıb. Qafur özünü günahkar hesab etmədiyini və hökmdən şikayət edəcəyini bildirib.
Xatırladaq ki, iyunun 18-də Almaniyadan Niderlanda narkotik keçirmək istəyən Qafur sərhəddə saxlanılmışdı. Onun avtomobilində 50 kiloqram metamfetamin və ekstazi aşkarlanmışdı.
Qeyd edək ki, idmançı 2016-cı ildə Rio-de-Janeyroda (Braziliya) keçirilən Olimpiya oyunlarının iştirakçısı olub.