İtaliyada faşist diktator Benito Mussolininin yay aylarını keçirdiyi məşhur villa satışa çıxarılıb.

“Qafqazinfo”nun məlumatına görə, Adriatik dənizi sahilində, Emiliya-Romanya regionunun Rikçione kurortunda yerləşən “Villa Mussolini” hərrac vasitəsilə satışa təqdim olunub.

Məlumata əsasən, Rikçione Bələdiyyəsi villanın alınması üçün təklif irəli sürməkdə maraqlıdır. Lakin potensial alıcının əmlakın adını dəyişdirməsinə icazə verilmir – o, “Villa Mussolini” adını saxlamalıdır.

Qeyd edək ki, Benito Mussolini 1934–1943-cü illərdə ailəsi ilə birlikdə bu villanı yay iqamətgahı kimi istifadə edib. 1893-cü ildə inşa olunan bina bərpa işlərindən sonra 2005-ci ilin iyul ayında yenidən istifadəyə verilib və o vaxtdan bəri sərgilər və müxtəlif tədbirlərin keçirildiyi məkana çevrilib.