Mahmud Süleymanovun hədəfə alınması ya hansısa umacağın, ya da kiminsə qara piyarçılıq təhdididir
Konkret olaraq deyək ki, mətbuat, özündə, əsasən, vicdan hissi, qərəzsiz - ikibaşlı münasibətdən uzaq yanaşma, yalnız faktlara söykənən həqiqətlər və s. ehtiva edir. Bəzən görürük ki, mətbuat dediyimiz vasitə radikal mövqedən çıxış edir, ortada heç bir fakt və ya dəlil olmadan quru, böhtançı sözlərlə beyinlərə hakim kəsilir. Bu da mətbuat haqqındakı qanuna ziddir, qatı məsuliyyət hissi yaradır...
Radikal, böhtançı israrda olan mətbuat adamları yaxşı bilirlər ki, media (istər yazılı, istərsə də sosial şəbəkə halında) ölkəmizin qanunvericilik resursları ilə tənzimlənir. Onun qanundan kənarda fəaliyyəti yolverilməzdir və mediaçı ənənlərə ziddir.
Düzdür, hazırda yazılı mətbuat yerini sosial mediaya verib, belə deyək, müasir-sivilizasion proseslər sosial media üçün daha aktiv zəmin açıb. Yəni, daha çox sosial şəbəkələr – internet resursları, sayt və digər ictimai zəminlər indi işlək durumdadır, loru dildə desək, saytlar – xəbər portalları bütün sosial ünsürləri üstələyib. Olsun, biz bunun ziddinə getmirik. Ziddiyyət yaradan odur ki, saytların bəziləri şər-böhtan atmaq, faktlara söykənmədən fikir demək, kimisə gözdən salmaq, nahaq yerə nifaq yaratmaq və s. kimi əks nüanslara sosial platformalarında daha çox yer verir, qanuna sığmayan hallar yaradırlar. Məsələn, bugünlərdə bir neçə saytda İsmayıllı Rayon İcra Hakimiyyəti başçısının birinci müavini Mahmud Süleymanovun meşə ərazisini zəbt etməsi, orada “Talıstan Fore Park” adlı istirahət mərkəzi yaratması, bu mərkəzi həyat yoldaşı İbrahimova Fazilə Fazil qızının adına sənədləşdirməsi barədə fikirlər yer alıb.
Faktlara söykənməyən bu sayt adamlarına demək istəyirik ki, Mahmud Süleymanov cəmi beş ildir İsmayıllı Rayon İcra Hakimiyyəti başçısının birinci müavini işləyir, adıçəkilən isyirahət mərkəzi isə iyirmi ildir fəaliyyət göstərir və Mahmud müəllimin özünündür.
İkincisi, saytlarda adı hallanan İbrahimova Fazilə Fazil qızı Mahmud Süleymanovun yox, tamam başqa bir adamın həyat yoldaşıdır.
Üçüncüsü, başqasının həyat yoldaşını Mahmud Süleymanovun həyat yoldaşı kimi təqdim edib iki bir-birini tanımayan ailə arasında kəskin nifaq yaratmaq, ailə dağılmalarına zəmin vermək hansı əxlaqa sığır? Bunu bu şəkildə təqdim edən saytlar barı vicdan əzabı çəkirlərmi? Yaxud bilirlərmi ki, törətdikləri əməlin kökündə cinayət tərkibi var?
Dördüncüsü, bütün meşə massivlərində istirahət mərkəzləri fəaliyyət göstərir və bu timsalda Mahmud müəllimin də istirahət mərkəzi dəfələrlə oraya istirahətə gələnlərin xeyir-duası və xoş sözləri ilə alqışlanıb.
Mahmud Süleymanov haqqında cinayət tərkibli fikir deyən saytlar bilməlidirlər ki, törətdikləri əməllə həm də dövlətçilik ənənəsinə zidd gediblər, onların vətəndaşlıq hissi doğru səmtə yönəlməyib. Əks halda, fakta söykənməyən fikir demək onlara nə üçün lazımdır? Kimdənsə nəsə eşitmək və bunu dərhal da saytda işıqlandırmaq fakt deyil, əksinə cinayətdir.
Təbii ki, Mahmud Süleymanovun hədəfə alınması ya hansısa umacağın, ya da kiminsə qara piyarçılıq təhdididir. Bunun başqa bir adı yoxdur.
Biz də mətbuat adamıyıq, həmkarlarımızın belə təhdid, təhqir və böhtan dolu mövqe nümayiş etdirmələri hər kəsdən daha çox bizə təsir edir. Bu kimi hallar bizi də gözdən, nüfuzdan salır.
Saytlarda təmsil olunanlar bilməlidirlər ki, hər hansı bir ictimai hadisə və proses təkcə xəbər şəklində yayımlanmır, həm də bir neçə şəxsi cinayətə sövq edir, arada nifaq yaradır və s, və s. Bu kimi məsələlərin həlli yalnız faktlarla təsbit edilir, fikir yalnız o zaman dürüst fikrə çevrilir.
Açığı, İsmayıllı Rayon İcra Hakimiyyəti başçısının birinci müavini Mahmud Süleymanovun özünə aid istirahət mərkəzini həyat yoldaşı fonunda başqa bir adamın həyat yoldaşının adına sənədləşdirməsi fikri qanunla kəskin ikrah hisi doğurur və bu, cinayətə zəmin yaradır, bu fikri deyənlərin özlərini də cinayət məsuliyyətinə bükür. Belə fikirlərin dərhal saytda yerləşdirilməsi əmin olaq ki, saytların da sonunu gətirə bilər və ümumiyyətlə, mətbuata, media ənənəçiliyinə dərin nifrət hissi oyadar.
Biz yanlış fikirlər yazan sayt əməkdaşlarını heç də alqışlamırıq, əksinə, içimizdə onlara qarşı bir həmkar küskünlüyü yaranır...

Raqif Nazimoğlu,
şair, jurnalist, alim