Zaqatalada xurma ağacından yıxılan kişi ölüb.
ulusestv.az “Qafqazinfo”ya istinadən xəbər verir ki, hadisə rayonun Mazıx kəndində baş verib. Katex kənd sakini 1981-ci il təvəllüdlü Natiq Osmanov xurma ağacından meyvə yığarkən yıxılıb. Ağır vəziyyətdə xəstəxanaya aparılan şəxs yolda vəfat edib.
O, bölgədə fəhləliklə məşğul olaraq xurma ağacları olanlar üçün pul müqabilində meyvə yığırmış. Natiq Osmanov 3 uşaq atası olub.
Faktla bağlı Zaqatala rayon Prokurorluğunda araşdırma aparılır.