Türkiyənin xarici işlər naziri Hakan Fidanla ABŞ Dövlət katibi Marko Rubio arasında telefon danışığı baş tutub.

“Qafqazinfo” “TRT Haber”ə istinadən xəbər verir ki, tərəflər söhbət zamanı Rusiya və Ukrayna arasında sülhün bərqərar olması üçün görülən işlər və Qəzzadakı son vəziyyəti müzakirə ediblər.

Bununla yanaşı, Suriyadakı hadisələr və iki ölkə arasında gündəmdə olan mövzular ətrafında fikir mübadiləsi aparılıb.