Rusiya Prezidentinin mətbuat katibi Dmitri Peskov bildirib ki, Rusiya və ABŞ liderləri Vladimir Putin və Donald Trampın Yeni ildən əvvəl görüşmək ehtimalı hazırda gündəmdə deyil.

“Qafqazinfo” xəbər verir ki, Kreml rəsmisi bu barədə “Pervıy kanal”a müsahibəsində söyləyib.

“Hələ ki bundan söhbət getmir”, – deyə o cavab verib.

Peskov Trampla Putinin görüşünün hazırlıq tələb etdiyini də vurğulayıb.

Bundan əvvəl mətbuat katibi ABŞ-nin “meqafon diplomatiyası”ndan imtina etməsini yalnız müsbət qiymətləndirdiyini bildirmişdi.