ABŞ və Ukrayna nümayəndələri gələn həftəsonu yeni danışıqlar apara bilərlər.

“Qafqazinfo” xəbər verir ki, bu haqda “Axios” portalı məlumat yayıb.

Görüşün Mayamidə baş tutacağı ehtimal olunur.

Məlumata görə, görüşdə iki ölkənin işçi qrupları və hərbi qulluqçuları iştirak edəcək.

Qeyd edək ki, dekabrın 14-ü Ukrayna Prezidenti Volodimir Zelenski Berlində ABŞ Prezidenti Donald Trampın xüsusi nümayəndəsi Stiv Uitkoff və Ağ Ev rəhbərinin kürəkəni Cared Kuşner ilə görüşüb. Danışıqlar dekabrın 15-i də davam edib.