İndoneziyanın Qərbi Yava əyalətində torpaq sürüşməsi nəticəsində ölənlərin sayı 74 nəfərə çatıb.

Oxu.Az xəbər verir ki, bu barədə "Tempo" nəşri yerli hüquq-mühafizə orqanlarına istinadən məlumat yayıb.

Altı nəfər itkin düşmüş hesab olunur.

Daha əvvəl 50 nəfərin öldüyü bildirilirdi.

Axtarış-xilasetmə əməliyyatı hazırda davam edir.

Xatırladaq ki, hadisə yanvarın 24-də Qərbi Bandunqda baş verib. Pasir-Lanqu yaşayış məntəqəsində güclü yağışlar zamanı torpaq sürüşməsi qeydə alınıb.