Küveyt dron uçuşları və hava çəkilişlərini qadağan edib.

“Qafqazinfo” xəbər verir ki, bu barədə Küveyt Daxili İşlər Nazirliyi məlumat yayıb.

Bildirilib ki, qadağa sonrakı xəbərdarlığa qədər qüvvədədir.

Nazirlik bildirib ki, bu qərar ölkədə və regionda mövcud vəziyyət nəzərə alınaraq təhlükəsizlik səylərini dəstəkləmək və sahə əməliyyatlarına mənfi təsirin qarşısını almaq məqsədilə qəbul edilib.

Bəyanatda vurğulanıb ki, dronların istifadəsi təhlükəsizlik prosedurlarına birbaşa təsir göstərə, sahə işlərini poza və hakimiyyət orqanlarının vəzifələrini yerinə yetirməsinə mane ola bilər.

Qeyd edək ki, Qətər və Birləşmiş Ərəb Əmirlikləri də oxşar xəbərdarlıq edərək, hava hücumlarının təsirlərini göstərən görüntülərin paylaşılmamasını tövsiyə etmişdilər.