27.05.2024 tarixində Azərbaycan Respublikası ƏƏSM Sosial Xidmətlər Agentliyinin tərəfdaşlığı ilə, Bakı şəhərinin Sabunçu rayonunda yerləşən Ahıl şəxslər üçün sosial xidmət müəssisəsinin sakinlərinə 28 may Müstəqillik günü münaibətilə bayramı konserti keçirildi.
Bayram tədbiri təşkilatçı-prodüser Lalə Dadaşovanın, "Nur Organization"-nın rəhbəri Kamran Nurun, "Əkinçi" TEST İB-nin təsisçisi Emin Hacısoy TürkƏrin, "Mübarizlər" İB-nin sədr müavini Gülnar Nəsiblinin birgə təşkilatçılığı ilə baş tutub.
"Bütöv Azərbaycan" adlı tədbir təşkilatçı Lalə Dadaşovanın başlatdığı "Bir zərrənin sevinci" adlı xeyriyyə marafonu çərçivəsində, aparıcı Zeynəb Kəngərlinin təqdimatı ilə tədbir açıq elan edilərək, Azərbaycan Respublikasının dövlət himni səsləndirildi və şəhidlərimizin ruhu bir dəqiqəlik sükutla yad edildi.
Tədbirdə ilk olaraq Hövsan Mədəniyyət Sarayının "Zəfər" xor kollektivi çıxış edərək "Heydər Baba" musiqili kompozisyasını, daha sonra isə özündə milli ornamentlərimizi əks etdirən "Vals" rəqsini və "Sağ salamat" rəqsini nümayiş etdilər.
Konsert proqramında bəstəkar "Qarabağ bülbülü" Aybəniz Bəhrəmqızı, Səfa Mehdi, Ədalət Abasov, Gülnaz Nəbili, Əsnad Əliyeva və rəqqasə Amaliya Ağayeva musiqi nömrələri ilə Ahıllar evinin yaşlı sakinlərini sevindirdilər.
Təşkilatçılar mərkəzin sakinlərini bayram münasibətilə təbrik etdilər. Sakinlər də öz növbələrində ürək sözlərini və təbriklərini səsləndirdilər.
Tədbirin sonunda Ahıl şəxslər üçün olan sosial xidmət müəssisəninin rəhbəri Samirə xanım Mehtiyevaya söz verildi, təşkilatçılar Lalə Dadaşova mərkəz sakinlərinə və təşkilatçılara öz ürək sözlərini söylədi. Sonda "Əkinçi" TEST İB-nin təsisçisi Emin Hacısoy simvolik "el bir olsa" şüarını səsləndirərək, tədbiri bağlı elan elədi.