Ermənistanın baş nazirinin mətbuat katibi Nazeli Bağdasaryan bildirib ki, İrəvan Minsk Qrupunun ləğvi məsələsində ATƏT-ə müraciət etməyi düşünür.

Qaynarinfo xəbər verir ki, bu barədə "İnterfaks" məlumat yayıb.

"Ermənistan Minsk Qrupunun ləğvi ilə bağlı ATƏT-ə müraciət etmə ehtimalını nəzərdən keçirir", deyə Bağdasaryan qeyd edib.

Onun sözlərinə görə, Ermənistan Azərbaycanın ərazi bütövlüyünü tanıyır və bunu sülh sazişi imzalamaqla təsdiqləməyə hazırdır.

Bundan əvvəl Azərbaycan Prezidenti İlham Əliyev qeyd edib ki, Ermənistan Azərbaycanla sülh müqaviləsi imzalamadan əvvəl öz konstitusiyasına düzəliş etməli və ATƏT-in Minsk Qrupunun ləğv edilməsinə razılıq verməlidir. O vurğulayıb ki, Ermənistan konstitusiyasında müstəqillik bəyannaməsinə istinad var. Bu bəyannamədə keçmiş Dağlıq Qarabağ Muxtar Vilayəti Ermənistanın bir hissəsi kimi göstərilir.

Alpər