Qırğızıstanın keçmiş prezidenti Kurmanbek Bakiyev vətəninə dönəcəyi təqdirdə həbs ediləcək.

Qaynarinfo xəbər verir ki, bu barədə Qırğızıstan Dövlət Milli Təhlükəsizlik Komitəsinin (MTK) sədri Kamçıbek Taşiyev öz "Facebook "səhifəsində bildirib.

"Ali Məhkəmənin Bakiyevə qarşı çıxardığı hökm qüvvədə qalır, ona görə də Qırğızıstana qayıdarsa, sərhədi keçdikdən dərhal sonra həbs olunacaq", deyə MTK rəhbəri respublika Konstitusiya Məhkəməsinin sabiq prezidentlə bağlı qərarını şərh edərkən yazıb.

Bakiyev 2010-cu ildə inqilab nəticəsində devrilib. Hazırda Belarusda yaşayır. 2014-cü ildə siyasətçi Bişkekdəki aksiyanımn gülləbaran edilməsinə görə ömürlük həbs cəzasına məhkum edilib. Daha sonra cəza yüngülləşdirilib. 2023-cü ildə o, korrupsiya ittihamı ilə qiyabi olaraq 10 il müddətinə azadlıqdan məhrum edilib. Bakiyevin ümumi cəzası 30 il olub. 2021-ci ildən vəzifə səlahiyyətlərindən sui-istifadə etdiyinə görə axtarışa verilib.

Bu il aprelin 11-də Qırğızıstanın Konstitusiya Məhkəməsi məhkəmədə onun şəxsi iştirakı ilə Bakiyevin hökmündən apellyasiya şikayəti verilməsinə icazə verib.

Aydın