Çinin ticarət naziri Vanq Ventao bildirib ki, ABŞ-ın tariflərin tətbiqini davam etdirməsi inkişaf etməkdə olan ölkələrə böyük ziyan vuracaq və bu, hətta humanitar böhrana səbəb ola bilər.

Qaynarinfo bu barədə "Bloomberg"ə istinadən xəbər verir.

"Çinin qətiyyətli əks tədbirləri onun qanuni hüquq və maraqlarını qorumaqla yanaşı, beynəlxalq ictimaiyyətdə dürüstlük və ədalətin qorunmasına yönəlib", deyə Ventao bildirib.

Onun sözlərinə görə, Ümumdünya Ticarət Təşkilatının üzvləri "birtərəflilik, proteksionizm və əməkdaşlıq və çoxtərəflilik yolu ilə zorakılıq praktikasına" qarşı çıxmaq üçün birləşməlidirlər.

Nazir əlavə edib ki, ən az inkişaf etmiş ölkələr ABŞ-ın tarifləri səbəbindən ən böyük risklərlə üzləşirlər.

Bir gün əvvəl Çin yenidən ABŞ mallarına rüsumları artırıb. Bundan əlavə, Çin prezidenti Si Szinpin bildirib ki, Avropa İttifaqı və Çin "birtərəfli zorakılığa” qarşı çıxmaq üçün güclərini birləşdirməlidir. Onun fikrincə, tarif müharibəsində qalib olmayacaq və dünyaya qarşı çıxmaq özünü təcrid etmək deməkdir.

Eyni zamanda, CNBC Çinə tətbiq edilən ümumi tarifin ABŞ prezidenti Donald Trampın dediyindən daha yüksək olacağını bildirib. KİV-in məlumatına görə, Çinin ABŞ-a idxal etdiyi məhsulların ümumi tarif dərəcəsi 125 deyil, 145 faiz olacaq.

Aydın