NASA bu yaxınlarda kəşf edilmiş "2024 YR" asteroidinin 2032-ci ildə Ayla toqquşması ehtimalını 4.3 faizədək artırıb.

Oxu.Az xəbər verir ki, bu barədə NASA-nın rəsmi saytında məlumat verilib.

"James Webb" teleskopundan əldə edilən məlumatlar asteroidin 2032-ci il dekabrın 22-də harada olacağı ilə bağlı biliklərimizi demək olar ki, 20 faiz təkmilləşdirib. Nəticə etibarilə asteroidin Ayla toqquşma ehtimalı bir qədər artaraq, 3.8 faizdən 4.3 faizə yüksəlib", - deyə məlumatda qeyd olunur.

Asteroidin Yerə düşmə ehtimalı da var idi, lakin məlumatlar dəqiqləşdirildikdən sonra bu ehtimal 3.1 faizdən 0.004 faizə qədər azalıb.

Mümkün toqquşma səbəbindən Ayın orbitinin dəyişməyəcəyi bildirilib.