Qəbələ festivalı adətən izləyicilərini gün ərzində bir neçə konsert proqramı ilə sevindirir. Bu il də istisna olmayıb.

“Qafqazinfo” xəbər verir ki, festivalın açılış günündə, iyulun 24-də daha bir konsert gecə saatlarında Latın Amerikası ruhunda olan musiqi ilə davam edib.

“Mercadonegro” musiqi qrupu əsasən Kuba musiqisindən yaranan salsa ritmləri ilə musiqi axşamına özünəməxsus enerjidolu ovqat qatıb.

Qəbələ iyulun 29-dək müxtəlif ölkələrdən gələn beynəlxalq miqyasda tanınmış ifaçıların, gənc istedadların, musiqi kollektivlərinin bir araya gəldiyi musiqi səhnəsinə çevriləcək.

Azərbaycanla yanaşı, Latın Amerikası, Litva, Gürcüstandan dünyaşöhrətli musiqiçilər, dirijorlar və musiqi kollektivləri öz rəngarəng çıxışları ilə məharətlərini bir daha nümayiş etdirir.

Festival çərçivəsində klassik musiqidən muğama, cazdan operaya qədər zəngin proqramlar təqdim olunacaq.