Xezertv.info xəbər verir ki, bu günün qeyd edilməsində əsas məqsəd iş yerlərində təhlükəsiz və sağlam əmək şəraitinin yaradılmasının əhəmiyyətini vurğulamaq, istehsalatda baş verə biləcək bədbəxt hadisələrin və peşə xəstəliklərinin qarşısının alınmasına ictimai diqqəti artırmaqdır.
Bu gün burada toplaşmağımızın əsas məqsədi əməyin mühafizəsinin əhəmiyyətini bir daha vurğulamaq, hər bir işçinin həyat və sağlamlığının qorunmasının nə qədər vacib olduğunu diqqətə çatdırmaqdır. Xüsusilə neft-qaz sənayesi kimi məsuliyyətli və riskli sahədə çalışan sizlərin təhlükəsizliyi hər zaman diqqət mərkəzində olmalıdır.
Əməyin mühafizəsi sahəsində əsas məqsəd işçilərin həyat və sağlamlığının qorunması, istehsalat qəzalarının və peşə xəstəliklərinin qarşısının alınmasıdır. Bu baxımdan profilaktik tədbirlərin həyata keçirilməsi, risklərin vaxtında müəyyən edilməsi və aradan qaldırılması, həmçinin işçilərin mütəmadi olaraq maarifləndirilməsi xüsusi əhəmiyyət kəsb edir. Dünya təcrübəsi göstərir ki, qabaqlayıcı tədbirlərin gücləndirilməsi istehsalatda baş verən bədbəxt hadisələrin sayının azalmasına səbəb olur.
Tədbirdə çıxış edən əməyin mühafizəsi, təhlükəsizlik texnikası və ƏMM şöbəsinin rəisi Ənvərli Bəhruz çıxışında qeyd etdi ki, müəssisədə əməyin mühafizəsi sahəsində əsas məqsəd işçilərin həyat və sağlamlığının qorunması, təhlükəsiz və sağlam əmək şəraitinin təmin olunmasıdır. O bildirdi ki, istehsalat prosesində risklərin vaxtında müəyyən edilməsi, qabaqlayıcı tədbirlərin görülməsi və əməkdaşların mütəmadi olaraq təlimatlandırılması bu istiqamətdə mühüm rol oynayır.
Bəhruz Ənvərli vurğuladı ki, təhlükəsizlik qaydalarına riayət olunması hər bir əməkdaşın birbaşa məsuliyyətidir və bu sahədə kollektiv yanaşma xüsusi əhəmiyyət daşıyır. O, həmçinin qeyd etdi ki, əməyin mühafizəsi yalnız normativ tələblərin yerinə yetirilməsi deyil, eyni zamanda müəssisədə təhlükəsizlik mədəniyyətinin formalaşdırılması deməkdir.
Şirkətin İstehsalat üzrə vitse-prezidenti Neymişov Dmitriy Serqeyeviç tədbir iştirakçılarını salamlayaraq qeyd etdi ki, istehsalat proseslərinin bütün mərhələlərində təhlükəsizlik prinsiplərinə ciddi riayət olunması şirkətin əsas prioritetlərindən biridir. O bildirdi ki, əməyin mühafizəsi sahəsində görülən tədbirlər yalnız qaydaların icrası ilə məhdudlaşmır, eyni zamanda hər bir əməkdaşda təhlükəsizlik mədəniyyətinin formalaşdırılmasına yönəlib.
Dmitriy Serqeyeviç vurğuladı ki, müasir texnologiyaların tətbiqi, risklərin operativ qiymətləndirilməsi və qabaqlayıcı tədbirlərin gücləndirilməsi istehsalatda baş verə biləcək hadisələrin qarşısının alınmasında mühüm rol oynayır. O, həmçinin qeyd etdi ki, təhlükəsiz iş mühitinin təmin edilməsi rəhbərliklə yanaşı bütün kollektivin birgə məsuliyyətidir və bu istiqamətdə görülən işlər daim nəzarətdə saxlanıldığını qeyd etmişdir.
Azərbaycan Respublikasında əməyin mühafizəsi, işçilərin hüquqlarının qorunması və təhlükəsiz əmək mühitinin təmin olunması dövlət siyasətinin əsas prioritet istiqamətlərindən biridir. Bu sahədə beynəlxalq standartlara uyğun normativ-hüquqi baza yaradılmış, Beynəlxalq Əmək Təşkilatının bir sıra konvensiyaları ratifikasiya edilərək milli qanunvericiliyə tətbiq olunmuşdur. Ümummilli lider Heydər Əliyevin “Azərbaycan dövlətinin ən qiymətli sərvəti onun insanlarıdır” fikri bu istiqamətdə görülən işlərin ideoloji əsasını təşkil edir.
“Shirvan Operating Company Ltd” Şirkətinin Azərbaycan Respublikasındakı Filialında əməyin mühafizəsinin təkmilləşdirilməsi istiqamətində ardıcıl və məqsədyönlü işlər həyata keçirilir. Şirkətin bütün struktur bölmələrində işçilər üçün təhlükəsiz və ekoloji cəhətdən sağlam əmək şəraiti yaradılmış, əməyin mühafizəsi sahəsində beynəlxalq təcrübə öyrənilərək tətbiq edilmişdir. Müasir təhlükəsizlik standartlarının tətbiqi və risklərin effektiv idarə olunması bu sahədə əldə olunan nailiyyətlərin əsasını təşkil edir.
Filialın idarəetmə aparatı, əməyin mühafizəsi xidməti, kadrlar, əməyin planlaşdırılması və təşkili bölməsi və Həmkarlar ittifaqı təşkilatı bu istiqamətdə mühüm rol oynayır. Onların birgə fəaliyyəti nəticəsində iş yerlərində təhlükəsizlik qaydalarına əməl olunması təmin edilir, işçilərin hüquqları qorunur və sağlam əmək mühiti formalaşdırılır. Əməyin mühafizəsi hər bir müəssisənin və hər bir işçinin gündəlik fəaliyyətinin ayrılmaz hissəsidir. Sağlam və təhlükəsiz əmək mühitinin yaradılması ümumi rifahın və davamlı inkişafın əsas şərtlərindən biridir.
Eyni zamanda, Filialın Həmkarlar İttifaqı Komitəsi tərəfindən əməyin mühafizəsi sahəsində fərqlənən işçilər daim diqqət mərkəzində saxlanılır. Yüksək nailiyyətlər əldə etmiş əməkdaşlara fəxri fərmanlar və dəyərli mükafatlar təqdim olunaraq onların əməyi yüksək qiymətləndirilir.
Bununla əlaqədar olaraq 18 sex və sahələr üzrə əməyin mühafizəsi üzrə fərqlənən işçilərə Həmkarlar İttifaqı Komitəsinin təşkilatçılığı ilə “Fəxri fərman” və qiymətli hədiyyələr ilə təltif olundu.
Biz əminik ki, sizin peşəkarlığınız, məsuliyyətiniz və təhlükəsizlik qaydalarına ciddi əməl etməyiniz sayəsində iş yerlərimiz daha etibarlı və təhlükəsiz olacaqdır. Təhlükəsiz və sağlam iş mühiti üçün gördüyünüz işlər yüksək dəyərə malikdir.
Hər birinizə çətin, lakin şərəfli fəaliyyətinizdə uğurlar arzulayır, möhkəm cansağlığı və təhlükəsiz iş şəraiti arzulayıram!

Məmmədov Taleh Mirkərəm oğlu
"Shirvan Operating Company LTD" Şirkətinin Həmkarlar İttifaqı Komitəsinin sədri