Tarixi qələbədən dövlətçilik fəlsəfəsinə...
Dünyanın dilində danışan Böyük Azərbaycanlı – İlham Əliyevin liderlik portreti.
II yazı
Dünya siyasətində elə liderlər var ki, onların fəaliyyəti təkcə ölkələrinin sərhədləri daxilində deyil, beynəlxalq miqyasda da ciddi rezonans doğurur. Onlar yalnız siyasi qərarları ilə deyil, həm də intellektual səviyyəsi, strateji baxışı, diplomatik erudisiyası və hadisələri qabaqlayan analitik düşüncəsi ilə fərqlənirlər. Bu mənada müasir Azərbaycanın dövlət başçısı İlham Əliyev dünya miqyasında diqqət çəkən liderlərdən biri kimi qəbul olunur.
“Dünyanın dilində danışan Böyük Azərbaycanlı” ifadəsi təsadüfi səslənmir. Bu, həm siyasi, həm də mədəni və intellektual müstəvidə Azərbaycanın beynəlxalq aləmdə qazandığı mövqenin simvolik ifadəsidir. Prezident İlham Əliyevin fəaliyyətinə müxtəlif rakurslardan yanaşdıqda onun liderlik portretində güclü erudi¬siya, strateji düşüncə, diplomatik çeviklik və informasiya axınını idarəetmə bacarığının xüsusi yer tutduğu aydın görünür.
Siyasi liderlik yalnız idarəetmə mexanizmi deyil, eyni zamanda yüksək intellektual hazırlıq tələb edən mürəkkəb bir fəaliyyətdir. Müasir dünya siyasətində uğur qazanan liderlər informasiya bolluğu içində doğru qərar qəbul etməyi bacaran, qlobal prosesləri dərindən analiz edən və gələcəyi əvvəlcədən görmə qabiliyyətinə malik şəxslərdir.
İlham Əliyevin siyasi fəaliyyəti göstərir ki, o, hadisələri yalnız reaksiya ilə deyil, proaktiv yanaşma ilə idarə edən liderlərdəndir. Onun çıxışlarında, beynəlxalq forumlardakı nitqlərində və diplomatik görüşlərdə sərgilədiyi mövqe yüksək erudisiyanın və geniş dünya görüşünün nəticəsidir. Bu baxımdan, onun siyasi portreti yalnız idarəçiliklə məhdudlaşmır, həm də intellektual liderlik nümunəsi kimi çıxış edir.
Son illər Azərbaycan beynəlxalq münasibətlər sistemində özünəməxsus model formalaşdırmışdır. Bu modelin əsasını müstəqil xarici siyasət, milli maraqların qətiyyətlə müdafiəsi və balanslı diplomatik münasibətlər təşkil edir. İlham Əliyevin rəhbərliyi ilə Azərbaycan bir çox qlobal platformalarda etibarlı tərəfdaş kimi qəbul olunur.
Dünya siyasətində “etibarlı aktor” anlayışı çox vacibdir. Çünki dövlətlərin münasibətləri təkcə iqtisadi və ya siyasi maraqlarla deyil, həm də etimadla müəyyən olunur. Azərbaycan bu gün bir çox enerji və nəqliyyat layihələrində strateji tərəfdaş kimi çıxış edir. Bu isə ölkə rəhbərinin uzaqgörən siyasətinin nəticəsidir.
İlham Əliyevin liderlik fəlsəfəsinin əsas istiqamətlərindən biri “güclü dövlət – güclü ordu – güclü iqtisadiyyat” prinsipidir. Bu üçlük Azərbaycanın müasir inkişaf modelinin təməlini təşkil edir. Dövlət başçısının həyata keçirdiyi siyasət nəticəsində Azərbaycan regionda söz sahibi olan, öz qərarlarını müstəqil şəkildə verən və milli maraqlarını qətiyyətlə qoruyan dövlətə çevrilmişdir.
Bu strateji baxışın ən parlaq nəticəsi 44 günlük Vətən müharibəsində özünü göstərdi. Azərbaycan Ordusunun əldə etdiyi tarixi Qələbə təkcə hərbi uğur deyil, həm də siyasi iradənin, milli birliyin və strateji planlamanın nəticəsi idi. Bu Qələbə Azərbaycan dövlətinin gücünü dünyaya nümayiş etdirdi.
Müasir liderlərdən tələb olunan əsas keyfiyyətlərdən biri də diplomatik erudisiyadır. Yəni müxtəlif siyasi sistemləri, beynəlxalq hüququ, iqtisadi əlaqələri və qlobal trendləri dərindən anlamaq bacarığıdır. İlham Əliyevin beynəlxalq çıxışları və diplomatik görüşləri bu baxımdan xüsusi diqqət çəkir.
Onun nitqlərində faktlara əsaslanan analitik yanaşma, tarixi kontekstin düzgün təqdimatı və beynəlxalq hüququn prinsiplərinə istinad xüsusi yer tutur. Bu isə Azərbaycanın mövqeyini daha da gücləndirir və ölkənin beynəlxalq arenada etibarlı tərəfdaş kimi qəbul olunmasına şərait yaradır.
Azərbaycanın iqtisadi inkişafı da dövlət başçısının rəhbərliyi ilə sistemli şəkildə həyata keçirilir. Neft və qaz sektorundan əldə olunan gəlirlərin qeyri-neft sektoruna yönəldilməsi, regionların inkişafı, infrastruktur layihələrinin genişləndirilməsi və sosial rifahın yüksəldilməsi bu siyasətin əsas istiqamətlərindəndir.
Son illər ölkədə həyata keçirilən genişmiqyaslı layihələr – yeni yollar, körpülər, sənaye parkları, kənd təsərrüfatı zonaları və rəqəmsal idarəetmə sistemləri Azərbaycanın modern dövlət modelinə keçidini təmin etmişdir. Bu inkişaf yalnız iqtisadi göstəricilərlə deyil, həm də insanların həyat keyfiyyətinin yüksəlməsi ilə ölçülür.
Azərbaycan dövlət siyasətinin əsas istiqamətlərindən biri də sosial dövlət prinsipidir. Şəhid ailələri, qazilər, aztəminatlı ailələr və sosial həssas qruplar dövlətin daim diqqət mərkəzindədir. Bu yanaşma cəmiyyətin sosial ədalət prinsipləri əsasında inkişafını təmin edir.
Dövlət başçısının bu sahəyə xüsusi diqqəti nəticəsində minlərlə ailə dövlət dəstəyi ilə təmin olunur, sosial proqramlar genişləndirilir və insan rifahı yüksəldilir. Bu isə ölkədə sosial sabitliyin möhkəmlənməsinə xidmət edir.
İlham Əliyevin siyasətində milli birlik və ideoloji sabitlik mühüm yer tutur. Azərbaycan cəmiyyəti müxtəlif etnik və dini qruplardan ibarət olsa da, ölkədə güclü vətənpərvərlik ruhu formalaşmışdır. Bu birlik dövlətin gücünü artıran əsas amillərdən biridir.
Məhz bu ideoloji sabitlik sayəsində Azərbaycan çətin tarixi mərhələlərdən uğurla keçmiş və öz müstəqilliyini daha da möhkəmləndirmişdir.
Bu gün Azərbaycan yalnız regionda deyil, beynəlxalq miqyasda da öz sözünü deyən dövlətlərdən biridir. Bu uğurların arxasında isə güclü siyasi iradə, strateji düşüncə və xalq-dövlət birliyi dayanır.
İlham Əliyevin liderlik modeli təkcə idarəçilik deyil, həm də intellektual və diplomatik bir məktəbdir. Onun fəaliyyəti göstərir ki, müasir dünyada liderlik yalnız qərar vermək deyil, həm də gələcəyi qurmaq bacarığıdır.
“Dünyanın dilində danışan Böyük Azərbaycanlı” ifadəsi məhz bu reallığın poetik və publisistik ifadəsidir. Azərbaycan bu gün öz lideri ilə birlikdə gələcəyə daha inamla baxır və qlobal arenada öz yerini daha da möhkəmləndirir.
Bu gün Azərbaycanın dünya arenasında tanınmasında Prezident cənab İlham Əliyevin rolu danılmazdır. İllər əvvəl müstəqilliyimizin banisi, Ümummilli Lider Heydər Əliyev siyasi varisi İlham Əliyevdə bu potensialı görmüşdü. Tarixə yazılan “Mən ona özüm qədər inanıram” ifadəsi bunun bariz nümunəsidir. İllər ötdü bu uzaqgörən ifadə özünü layiqincə doğrultdu. Zaman öz sözünü dedi. Ata inandı, oğul doğrultdu. Və... “Mən fəxr edirəm ki, Heydər Əliyevin oğluyam”. Sonra tarixə qızıl hərflərlə yazılan möhtəşəm Qələbə. Oğul ata borcunu layiqincə ödədi. “Mən xoşbəxtəm ki, Ata vəsiyyətini yerinə yetirdim”. O kövrək və qürurverici anlar hər kəsin yaddaşına həkk olundu. Ləyaqətli bir oğulun və fenomenal intellekt və bacarığa malik bir şəxsiyyətin Şuşada – qalibiyyət qalamızda kövrəliklə söylədiyi ifadələr. Qürurverici deyilmi?! Bəli “Kəssə hər kəs qan izini, qurtaran dahi odur yer üzünü”. Müharibə qurbansız olmur. Vətən uğrunda şəhadətə ucalan oğullarımızın xatirəsi hər birimiz üçün əzizdən əzizdir. Bu qanlar hesabına, böyük diplomatıyanın, siyasi bacarığın hesabına Azərbaycanımız bütövləşdi. Borcluyuq qəhrəmanlarımıza, borcluyuq Müzəffər Ali Baş Komandanımıza...

Hürü Hacızadə
Yazıçı-publisist
“Qızıl qələm” mükafatçısı

Fərid Səfərov
AJB-nin üzvü
Azərbaycan Vətən Müharibəsi Veteranları İB-nin fəxri üzvü