Müasir Azərbaycan cəmiyyətində elə insanlar var ki, onların fəaliyyəti yalnız sahibkarlıqla məhdudlaşmır, eyni zamanda milli-mənəvi dəyərlərin qorunmasına, gənc nəslin sağlam ruhda formalaşmasına və dövlətçilik ənənələrinin möhkəmlənməsinə xidmət edir. Belə nümunəvi şəxslərdən biri də "Alp Turan" döyüş klubunun dəstəkçisi, vətənpərvər iş adamı Sənan Əliyevdir.
Sənan Əliyev öz fəaliyyəti ilə həm iş dünyasında, həm də ictimai sahədə nümunə göstərən insanlardan biridir. O, daim Azərbaycan dövlətinin inkişafına, gənclərin sağlam həyat tərzinə yönəldilməsinə və idmanın kütləviləşdirilməsinə xüsusi diqqət yetirir. Xüsusilə döyüş idman növlərinin inkişafına verdiyi dəstək onun gənclərin fiziki və mənəvi cəhətdən güclü yetişməsinə olan münasibətinin bariz göstəricisidir.
Bu gün ölkəmizdə idmanın inkişafı dövlət siyasətinin mühüm istiqamətlərindən biridir. Ulu Öndər Heydər Əliyevin müəyyən etdiyi inkişaf strategiyası Prezident, Müzəffər Ali Baş Komandan cənab İlham Əliyev tərəfindən uğurla davam etdirilir. Azərbaycanın dünyanın idman ölkələri sırasında tanınması, beynəlxalq yarışlarda əldə olunan uğurlar və idman infrastrukturunun müasirləşdirilməsi bu siyasətin uğurlu nəticələridir. Sənan Əliyev də hər zaman bu strateji xətti dəstəkləyən, dövlətimizin idman siyasətinə öz töhfəsini verməyə çalışan vətənpərvər iş adamlarından biridir.
"Alp Turan" döyüş klubuna göstərdiyi diqqət və qayğı nəticəsində bir çox gənc idmançı öz potensialını inkişaf etdirmək, müxtəlif yarışlarda iştirak etmək və uğurlar qazanmaq imkanı əldə edib. O, idmanın yalnız yarış meydanı deyil, həm də vətənpərvərlik, intizam, iradə və milli ruh məktəbi olduğunu yaxşı anlayır. Məhz buna görə də gənclərin idmana cəlb olunmasını cəmiyyətin gələcəyinə qoyulan ən qiymətli sərmayələrdən biri hesab edir.
Sənan Əliyevin fəaliyyətində diqqəti cəlb edən mühüm məqamlardan biri də şəhid ailələrinə və qazilərə göstərdiyi mənəvi və maddi dəstəkdir. Azərbaycanın ərazi bütövlüyü uğrunda canından keçən şəhidlərimizin ailələrinə ehtiram göstərmək, sağlamlığını itirmiş qazilərimizin yanında olmaq hər bir vətəndaşın mənəvi borcudur. Sənan Əliyev bu müqəddəs missiyanı daim diqqət mərkəzində saxlayan, şəhid ailələrinin və qazilərimizin problemlərinə həssas yanaşan insanlardan biridir.
Onun xeyirxah əməlləri, sosial layihələrdə iştirakı və ehtiyacı olan insanlara dəstəyi cəmiyyətdə böyük rəğbətlə qarşılanır. Sənan Əliyev hesab edir ki, Vətən uğrunda canından keçən qəhrəmanların ailələrinə qayğı göstərmək hər bir azərbaycanlının mənəvi məsuliyyətidir. Bu baxımdan onun fəaliyyəti yüksək vətəndaş mövqeyinin nümunəsi kimi qiymətləndirilə bilər.
Eyni zamanda, idmançılara göstərdiyi diqqət və dəstək də xüsusi qeyd olunmalıdır. O, perspektivli gənclərin inkişafına kömək göstərir, onların yarışlara hazırlanmasına və uğur qazanmasına dəstək verir. Bu qayğı və diqqət gənclər arasında böyük motivasiya yaradır, onların gələcək hədəflərinə daha inamla addımlamalarına şərait yaradır.
Sənan Əliyev üçün vətənpərvərlik yalnız sözlə ifadə olunan anlayış deyil, əməli fəaliyyətlə təsdiq olunan həyat prinsipidir. Dövlətə sədaqət, milli dəyərlərə hörmət, gənclərə qayğı və sosial məsuliyyət onun fəaliyyətinin əsas istiqamətlərini təşkil edir.
Bu gün "Alp Turan" döyüş klubunun uğurlarında, gənc idmançıların nailiyyətlərində və sosial layihələrin həyata keçirilməsində Sənan Əliyevin dəstəyi və əməyi aydın şəkildə görünür. Onun gördüyü işlər həm idman ictimaiyyəti, həm də geniş cəmiyyət tərəfindən yüksək qiymətləndirilir.
Belə vətənpərvər, xeyirxah və nümunəvi insanların fəaliyyəti Azərbaycan cəmiyyətinin inkişafına mühüm töhfə verir. Sənan Əliyev öz əməli fəaliyyəti ilə göstərir ki, dövlətə, xalqa və gənc nəslə xidmət ən ali dəyərlərdən biridir. Onun gələcək fəaliyyətində də yeni uğurlara imza atacağına və Azərbaycan idmanının inkişafına töhfələr verməyə davam edəcəyinə inam böyükdür.

Fərid Faiqoğlu
AJB-nin üzvü