Mingəçevirdə sökülən zavodda fəhləni cərəyan vurub öldürüb.

“Qafqazinfo” xəbər verir ki, hadisə iyulun 1-i saat 18 radələrində Mingəçevir şəhəri Samux küçəsində yerləşən fəaliyyəti dayandırılmış “Rezin Məmulatları Zavodun”da qeydə alınıb.

Zavodda tender əsasında dəmir məmulatlarını doğrayan “Siklon Ticarət, Söküntü və Daşınma servis” MMC şirkətində fəhlə işləyən Goranboy rayon sakini 1991-ci il təvəllüdlü Samir Səlman oğlu Nəbiyev iş görən zaman elektrik cərəyanı vurması nəticəsində ölüb.

Faktla bağlı Mingəçevir Şəhər Prokurorluğunda araşdırma aparılır.