Vitamin və mineral mənbəyi olan kökün tərkibində A, K , C , B7, B6, eləcə də E vitamini var.

“Qafqazinfo” xəbər verir ki, yerkökü immunitet üçün vacib qida mənbəyidir.

Ürək sağlamlığı üçün faydalı olan yerkökü pis xolesterinin səviyyəsini azaltmağa və təzyiqi tənzimləməyə kömək edir.

Böyümə və inkişaf çağlarında istehlak edilməsi tövsiyə olunur. Həm də göz sağlamlığını dəstəkləyir. Tərkibində K1 vitamini olan yerkökü qanın laxtalanmasını təmin edərək sümük sağlamlığını yaxşılaşdırır.

Tərkibində antikarsinogen xüsusiyyətlərə malik fitokimyəvi maddələr olan kök immuniteti gücləndirərək xərçəngin yayılmasının qarşısını alır. Beləliklə, riskləri azaldaraq xərçəng növləri ilə mübarizə aparır.

Tərkibindəki karotenoidlər sayəsində yerkökü dəri sağlamlığını yaxşılaşdırır. Bundan başqa, bu tərəvəz aşağı kalorili məhsul olması ilə faydalıdır.

Yerkökü xüsusilə beta-karotinlə zəngindir. Bu maddə orqanizmdə A vitamininə çevrilir. A vitamini ən güclü antiokidantlardan biridir. Bu vitamin qocalma proseslərini ləngidir, insanları bir çox xroniki xəstəliklərinin inkişafından qoruyur. Bu vitamin uşaqların normal inkişafı üçün olduqca vacibdir.

Tərəvəzin tərkibində saç sağlamlığını yaxşılaşdıran antioksidantlar var. Yerkökü istehlak etmək saçlarınızın canlı görünməsində təsirli ola bilər.

Boy və iştahartırıcı təsirlərinə görə yerkökü uşaqların qidalanmasında əhəmiyyətli rol oynayır. Tərkibində 12 faiz şəkər olduğuna görə yerkökü meyvələri şirin dada malikdir, buna baxmayaraq şəkərli diabet zamanı da istifadə edilir.

Kökdə olan luteolin beyin sağlamlığını qorumaq üçün vacibdir. Yerkökü yaddaşınızı güclü saxlayaraq koqnitiv gərginliyin qarşısını alır.

Yerkökü kimi kalorisi az, lifi və suyu yüksək olan tərəvəzlər sizə toxluq hissi verməkdə son dərəcə xeyirlidir. Sizi tox tutaraq pəhrizinizdə rol oynaya bilər.

Hamilə qadınların yerkökü istehlak etməsi də kalsium baxımından əhəmiyyətlidir. Kök həm gələcək ananın, həm də körpənin immuniteti üçün vacib bir qidadır.

Beləliklə kök:

Göz sağlamlığı üçün çox faydalıdır.

Lifli bir quruluşa malikdir və qan şəkərinin sürətlə yüksəlməsinin qarşısını alır.

Qəbizliyin qarşısını almağa kömək edir.

Bağırsaq sağlamlığı üçün çox faydalıdır.

Dərini qoruyur və parlaqlıq verir.

Saç sağlamlığını qoruyur.

Xərçəngin yayılmasının qarşısını alır.

Arıqlamağa kömək edir.