ABŞ-nin vitse-prezidenti Ceyms Devid Vensin Ermənistan və Azərbaycana səfəri 9–11 fevral tarixlərində baş tutacaq.

“Qafqazinfo” xəbər verir ki, bu barədə ABŞ Dövlət Departamentinin açıqlamasında qeyd olunub.

Onu ABŞ Dövlət katibinin iqtisadi məsələlər üzrə müavini Ceykob Helberq müşayiət edəcək.

“ABŞ Dövlət katibinin iqtisadi məsələlər üzrə müavini Ceykob Helberq fevralın 9-11-də İtaliyanın Milan şəhərinə, Ermənistanın İrəvan şəhərinə və Azərbaycanın Bakı şəhərinə olacaq səfərləri zamanı vitse-prezident Ceyms Devid Vensə qoşulacaq”, - məlumatda deyilir.

Bildirilir ki, o, Ermənistan və Azərbaycana səfəri zamanı ABŞ Prezidenti Donald Trampın sülh səylərini inkişaf etdirəcək və “Beynəlxalq Sülh və Rifah üçün Tramp Marşrutu”nu (TRIPP) təşviq edəcək.