Azərbaycanda bir rayonda içməli suyun verilişi dayandırılıb
Kürdəmir şəhərini içməli su ilə təmin edən Ağsu-Külüllü-Kürdəmir su xəttində qəza baş verib.
Bu barədə Kürdəmir Rayon İcra Hakimiyyəti məlumat yayıb.
Məlumata görə, qəza səbəbindən şəhərə suyun verilişi dayandırılıb.
Dövlət Su Ehtiyatları Agentliyi yanında “Azərsu” ASC də sözügedən məlumatı təsdiqləyib. Bildirilib ki, qəzanın aradan qaldırılması istiqamətində tədbirlər aparılır.
