Yevlaxda dörd nəfərin xəsarət alması ilə nəticələnən qəza olub.

“Qafqazinfo”nun əldə etdiyi xəbərə görə, yol nəqliyyat hadisəsi Bakı-Qazax magistralının Yevlax rayonu ərazisindən keçən hissəsində baş verib.

Hərəkətdə olan “Mitsubishi” markalı minik maşını idarə etmədən çıxaraq yol kənarında olan dəmirlə toqquşub.

Qəza zamanı 52 yaşlı Vüqar Şamilov, 40 yaşlı Amilə Gülmalıyeva, 72 yaşlı Firuzə Bayramova və 19 yaşlı Aytac Bayramova müxtəlif dərəcəli xəsarətlə Yevlax Rayon Mərkəzi Xəstəxanasına çatdırılıblar.

Faktla bağlı araşdırma aparılır.

Ziya Əmirxanlı