Türkiyəli aktrisa Beren Saat müğənni həyat yoldaşı Kenan Doğulu ilə münasibətləri barədə açıqlamalar verib.

“Qafqazinfo” Türkiyə mətbuatına istinadən xəbər verir ki, onlar 12 ildir davam edən evlilikləri ilə şou dünyasının nümunəvi cütlüklərindən sayılırlar.

B.Saat bildirib ki, münasibətlərinin ilk aylarında birlikdə Los-Ancelesə səfər ediblər və həmin günlər onlar üçün olduqca romantik keçib: “İndi buna “love bombing” deyirlər. Geriyə baxanda həqiqətən də elə olduğunu düşünürəm. Hər ikimiz bir-birimizə çox aşiq idik”.

Aktrisa həyat yoldaşının onun üçün bəstələdiyi “Aşka türlü şeyler” mahnısının yaranma hekayəsini belə xatırlayıb: “Səhər gitaranın səsinə oyandım. Kenan həmin an “Aşka türlü şeyler” mahnısını bəstələyirdi. Məhz o an həqiqətən Kenana aşiq olduğumu hiss etdim. Bu, mənə çox təsir etmişdi”.

Qeyd edək ki, Beren Saat və Kenan Doğulu 29 iyul 2014-cü ildə ABŞ-nin Los-Anceles şəhərində keçirilən mərasimlə ailə həyatı qurublar.